На гэтым тыдні навучэнцы першага курса працягнулі сваё падарожжа па знакамітых месцах Краснага Берага. Спачатку яны наведалі музей каледжа.

Першая экспазіцыя прысвечана пачатку Вялікай Айчыннай вайны. Тут сабрана інфармацыйна-дакументальная хроніка падзей таго часу, фрагменты баявой зброі, знойдзеныя на месцы баёў, фляжкі, сапёрныя рыдлёўкі, кулі і г.д. Усе гэтыя рэчы прынеслі ў музей навучэнцы 1973-1990 гг.

Другая экспазіцыя прадстаўлена сувенірамі і падарункамі ветэранаў 102 дывізіі, якая вызваляла Красны Бераг ад нямецкіх захопнікаў.

Самая цікавая экспазіцыя “Баявы шлях 102 Дальнеўсходняй Ноўгарад-Паўночнай стралковай дывізіі”. Тут шмат фотакартак ветэранаў 102 дывізіі, інфармацыйнага матэрыяла пра баявы шлях дывізіі, фотакартак сустрэч з ветэранамі ў Красным Беразе.

Пасля музея навучэнцы наведалі магілу Ісаева Л.,які пахаваны на тэрыторыі каледжа, і помнік краснабярэжцам, якія загінулі ў час вайны.